فى يوم المراة العالمى اجتمع 3 ستات واحدة امريكية والتانية فرنسية والتالتة صعيدية , قالوا لازم نحبب رجالتنا فينا ونعرفهم قيمتنا فاتفقوا محدش فيهم هيقوم بواجبات البيت لمدة اسبوع ويتقابلوا بعدها يعرفوا النتيجة .
بعد اسبوع ..........
الامريكية : اضربت عن شغل البيت ومشفتش حاجة اول يومين لكن بعد كدة جة صالحنى واتاسفلى .
الفرنسية : اضربت عن شغل البيت ومشفتش حاجة اول يومين لكن بعد كدة جة وجابلى ورد وقالى انا هاعمل كل حاجة .
الصعيدية : اضربت عن شغل البيت ومشفتش حاجة اول يومين لكن بعد كدة ابتديت اشوف بعنيا اليمين شوية بشوية
واحد صعيدى مزور ورقة بنكنوت انما 10/10 مع ذلك مسكوه ياترى ليه ؟
عشان كان مزور ورقة بستين جنيه !!!!!!
مسطول ماشى فى الشارع لقى عمود نور مكتوب عليه شقة للايجار قعد يخبط على العمود لغاية لما جاله مسطول تانى
قال له انت بتعمل ايه هنا قال له اصلى لقيت مكتوب شقة للايجار
قمت قعدت اخبط بس محدش رد علىّ قام التانى قال له غريبة مع ان الجماعة منورين النور فوق
مره واحد مراته ماتت فماشى فى العزا عمال يضحك فواحد
بيسأله بتضحك على ايه قاله أول مره أعرف هى رايحه فين
فريق الجولف كانوا كلهم في اوضة تغيير الملابس و كان في موبايل على الكرسي, الموبايل رن قام واحد من اللعيبة مشغل السماعة و اكلم.
كل اللعيبة وقفوا يسمعوا.
الراجل: الو.
واحدة ست: ايوة يا حبيبي انت في النادي.
الراجل: ايوة
الست: انا لقيت جاكت جلد جميل اوي في المول, بالف جنيه بس ممكن اشتريه.
الراجل: طبعا اذا كان عاجبك اشتريه.
الست: في كمان عربية مرسيدس جميلة اوي.
الراجل: بكام.
الست: 90000
الراجل: انا موافق بس بالسعر ده لازم تكون فول اوبشن.
الست: كويس اوي, في حاجة اخيرة بس, البيت اللي كنت عاوزة اشتريه السنة اللي فاتت معروض للبيع تاني, ب950000.
الراجل: طب اسمعي, قوليلهم 900000 بس و اكيد حيوافقوا, اذا موافقوش يبقى مش مهم نشتريه ب950000.
الست: شكرا يا حبيبي, اشوفك بعدين, انا بحبك اوي.
الراجل: و انا كمان يا حبيبتي سلام.
الراجل خلص المكالمة و كل زمايله في الفريق كانوا متنحين و مذهولين و فاتحين بقهم.
الراجل ضحك و قام سائلهم: حد يعرف تليفون مين ده؟
صعايدة راحو يلعبو بلياردو،
واحد منهم وقف فوق الطرابيزة وقال لهم انا الجوووووون
مره اتنين مساطيل واحد قال للاخر مش فيتنام فازت على امريكا فى الحرب واحنا فزنا على اسرائيل ....
المسطول الثانى قال له : يبقى كده احنا المفروض نصفى مع فيتنام
عضو مجلس شعب اشترى تكيف
لقى مالهوش صوت راح رجعه تانى
مرة اتنين أغبيه عندهم حصانين.. فكانوا عايزين يعلموهم علشان ما يتلغبطوش بينهم .. الاول قطع اذن حصانه وراح قال للتاني ،
فالتاني قاله ااه يخرب بيتك انا بردك عملت كده....
فالاول راح فقع عين حصانه ، و راح قال للتاني.... فالتاني قاله ااه يخرب بيتك
انا بردك عملت كده.... فالاول قاله انت هتصدعنى في دماغي... خدت انت الحصان الاسود وانا الحصان الأبيض
صعايدة راحوا يشكوا للرئيس مبارك و قالولوا كل النكت علينا لازم تشوفلك حل
قالوهم تعلولي واحد واحد
اول واحد دخل سألو الرئيس حاجة سودة ليها رباط بتتلبس في الرجل قاله جزمة قاله الرئيس صح وطلع قال لصحبه اول مايسألك الاجابة هي جزمة دخل الرئيس سأله حاجة بتعوم في المية قاله الصعيدي بلغة
كان مره واحد صعيدي راكب في طياره و كان قاعد جنبو واحد امريكي 000 راح الراجل الامريكي مطلع سيجاره طولها 30 سنتيمتر
شرب منها نفس واحد و راح رميها من الشباك فقال له الراجل الصعيدي ليه كده ياولد العم مكنت تجيبهالي فقاله الراجل الامريكي هوهوهو في منه كتير وبعد خمس دقائق طلع الراجل الامريكي موبيل كان لسه جديد اتكلم بيه مكالمه واحده و رماه من الشباك فقال له الصعيدي ليه كده ياولد العم مكنت تجيبهالي فقاله الراجل الامريكي هو هو هو في منه كتير و بعد خمس دقائق طلع الراجل الامريكي كمبيوتر محمول كتب عليه حاجه و راح رميه من الشباك فقاله الراجل الصعيدي ليه كده ياولد العم مكنت تجيبهولي فقال له الراجل الامريكي هو هو هو في منه كتير.... فكان الصعيدي قاعد مش لقي حاجه يرميها فراح مسك إبنه و راح رميه فقاله الراجل الامريكي ليه كده فقاله الراجل الصعيدي هو هو هو في منه كتير
مرة اثنين عندهم كلاب صيد صاحب الكلب الاول أول ما يضرب طلقة من البندقية يجرى الكلب ويروح يجيب الفريسة والثانى أول ما يضرب الطلقة كلبه يكّش فنصحة صاحبة انه يروح أفراح في الارياف، فالكلب هيتعود على صوت البندقية راح الارياف وفضل يحضر فى افراح لمدة 6 شهور وبعدين رجع يصطاد، راح ضارب طلقة من البندقية راح الكلب وقف على رجله وقعد يزغرط
واحد لقى تاكسى فقالة فاضى ياسطى قالة فاضى فقالة طب تعالى اعد معايا على القهوة
دبانة وقعت فى ازازة وسكى طلعت تقول اوعى النسر
بلدياتنا نجح في إنتخابات مجلس الشعب، في اول جلسة قاعد جنب واحد أفندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبتر
منتدى النكت والفكاهه
موضوع: النكـتة دى جـديـدة 
الأحد يناير 06, 2008 1:30 pm
