انا جايبلكم انهاردة شوية نكت فظيعة شوفوهاو قولوا رايكم
موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى
*ملحن دخل مبنى ماسبيرو (مبنى الاذاعة والتلفزيون) علشان يعتمدوه ملحن
فقالوله كل جمله نقولهالك لحنها... قال ماشى
فقالو له...لحن (واحد حرامى) راح ملحنها...
قالوله (اتنين حراميه)... راح ملحنها...
قالوله بقه لحن (شله حراميه)
فقالهم
بلادى بلادى بلادى
كان حسنى بيموت فوهو فى الانعاش بعت لنظيف وقالة وصيتك الحكم يا نظيف فقالة الحكم مع جمال وكلة تمام وراح حسنى فى غيبوبة وراح فاق تانى قالة والشعب يا نظيف فقالة الشعب هياكل ظلط زى ما أمرت راح حسنى تانى فى غيبوبة وفاق فقالة نظيف حاجة تانية يا باشا راح قايلة الظلط يكون ملك علاء
*دى نكتة عن قانون الطوارئ فى مصر
كانوا بيمسكوا كل حمير الغابة ففي قرد لقي اسد بيجري
القرد: بتجري ليه يا اسد
الأسد: اصلهم بيحبسوا كل الحمير
القرد: وانت مالك انت اسد مش حمار
الاسد: حلني على ما يثبتوا اني اسد
*ملكه انجلترا -.... جورج دبليو بوش - الرئيس الامريكى -
.... محمد حسنى مبارك الرئيس المصرى - ... ماتو ودخلوا كلهم الجحيم
الملكه اليزابيث قالت : وحشتنى انجلترا وعايزة اكلمهم و اطّمن الناس عاملين ايه هناك .. اتصلت بيهم واتكلمت حوالى خمس دقايق ... وقالت : ها ابليس , عايز منى كام تمن المكالمه ؟ ... ابليس قالها : خمسه مليون دولار ... خمسه مليون دولار؟ كتبتله شيك ورجعت تقعد على كرسيها تانى
جورج بوش غار منها جدا وقعد يصرخ وهو بيقول : وانا كماااااان , عايز اكلّم امريكا , واتّصل وقعد يتكلم حوالى دقيقتين .... بعدين قال : ها ابليس , عايز منى كام تمن المكالمه ؟ ... ابليس قاله : عشرة مليون دولار ... عشرة مليون دولار ؟؟ كتبله شيك ورجع يقعد على كرسيه تانى
حسنى مبارك غار منهم بطريقه رهييييييييبه ... وبدأ يصرخ وهو بيقول :
اناااااا بردو عايز اكلم مصر , بردو عايز اعرف الناس عامله ايه هناك ,واكلّم الوزرا , عايز اكلم كل واحد ... اتصل بـ مصر وقعد يتكلم .... يتكلم . يتكلم
.... حوالى كدا 20 ساعه .. بعدين قال : ها ابليس , عايز منى كام تمن المكالمة؟ ....ابليس قال : دولار واحد ....
حسنى مبارك قاله : دولار واحد بس؟؟؟
.. ابليس رد عليه وقال ايوة...اصل من الجحيم للجحيم مكالمه محليه
مرة الرئيس مبارك و بوش و جاك شيراك كانوا راكبين طيارة ف بوش مد ايده من الطيارة و قال احنا فوق نيو يورك قالو له عرفت ازاي قالهم أنا ماسك تمثال الحرية و بعدين جاك شيراك مد ايده و قال احنا فوق فرنسا قالو له عرفت ازاي قالهم أنا ماسك برج ايفل و بعدين الرئيس مبارك مد ايده قال احنا فوق مصر قالو له عرفت ازاي قالهم ............. الساعة اتسرقت
الرئيس مبارك سال عاطف عبيد : قولى انا احسن ولا جمال عبد الناصر . رد عاطف : جمال مين .........دا كان بيخاف من السوفيت .انت لاءة
رد حسنى : طب انا الاحسن ولا السادات . رد عاطف : سادات مين .........السادات كان بيخاف من امريكا انت لاءة
رد حسنى : طب مين الاحسن ؟ انا ولا عمر بن الخطاب . رد عاطف : عمر مين............ ..عمر كان بيخاف من ربنا . انت لاءة
مرة كان حسنى بيتكلم مع ابليس فكان بيقولة يا واد يا ابليس انا عاوز اعمل حاجة فى المصريين تطلع من نفوخهم فقالة اقولك وراح قايلة وشوشوشوشوشو حسنى: لا لا لا اتعملت من زمان ابليس: طيب خد دة وشوشوشوشوشوش حسنى :لا انت بقيل خرع لية كدة انا هقولك انا هعمل اية وشوشوشوشوش ابليس : لا يا راجل حرام عليك
واحد مصرى لقى فانوس علاء الدين . طلع العفريت وقاله : شبيك لبيك ,تطلب ايه . قاله الرجل : انا عايز باب من البيت على الحرم المكى مباشرة علشان احجواعتمر براحتى . رد العفريت بغيظ : نعم يا اخويا اطلب طلبات معقولة . رد الراجل : خلاص خرج حسنى من حكم مصر . رد العفريت بسرعه : قلت الباب فين ...........